🚨अंगारकी संकष्टी चतुर्थी निमित्त मोठा ट्रॅफिक अलर्ट.

 हसनाबाद | प्रतिनिधी

जालना जिल्ह्यातील प्रसिद्ध राजूर गणपती मंदिर येथे 6 जानेवारी 2026 रोजी अंगारकी संकष्टी चतुर्थी निमित्त लाखो भाविक दर्शनासाठी येण्याची शक्यता लक्षात घेता, जालना पोलीस प्रशासनाने वाहतूक व्यवस्थेत मोठा बदल करण्याचा निर्णय घेतला आहे.

या संदर्भात महाराष्ट्र पोलीस अधिनियम 1951 च्या कलम 36 अंतर्गत पोलीस अधीक्षक, जालना यांनी अधिकृत आदेश जारी केला आहे.
हा आदेश दि. 5 जानेवारी 2026 रोजी सकाळी 8.00 वाजल्यापासून ते दि. 7 जानेवारी 2026 रोजी सकाळी 8.00 वाजेपर्यंत लागू राहणार आहे.

🚧 वाहतूक बदलाचे कारण

अंगारकी संकष्टी चतुर्थीच्या दिवशी राजूर गणपती येथे मोठ्या प्रमाणात भाविक पायी तसेच वाहनांद्वारे दर्शनासाठी येतात.
भाविकांची सुरक्षितता, गर्दी नियंत्रण व अपघात टाळण्यासाठी मुख्य रस्त्यांवरील वाहतूक वळवण्याचा निर्णय घेण्यात आला आहे.

🔁 या प्रमुख मार्गांवर वाहतूक बदल

➡️ जालना–राजूर महामार्ग > जालना>देऊळगाव राजा >जाफराबाद मार्गे  येणे जाने 
➡️ भोकरदन–राजूर मार्ग   >   भोकरदन> जाफराबाद मार्गे येणे जाने 
➡️  टेंभूर्णी–राजूर मार्ग      > मार्गे जाफराबाद येतील
➡️ फुलंब्री–राजूर मार्ग  > फुलंब्री ते हसनाबाद मार्गे भोकरदन कडे जातील

या मार्गांवरील अवजड व हलकी वाहने पर्यायी मार्गांनी वळवण्यात येणार असून भाविकांसाठी स्वतंत्र पायी जाण्याचे मार्ग निश्चित करण्यात आले आहेत.

👮‍♂️ पोलीस प्रशासनाचे आवाहन

जालना पोलीस प्रशासन तसेच पोलिस ठाणे हसनाबाद यांनी नागरिक व भाविकांना आवाहन केले आहे की,

• ठरवून दिलेल्या डायव्हर्जन मार्गांचे पालन करावे

• विनाकारण वाहने मंदिर परिसरात आणू नयेत

• पोलीस, ट्रॅफिक कर्मचारी व स्वयंसेवकांना सहकार्य करावे

वाहतूक नियमांचे उल्लंघन केल्यास कायदेशीर कारवाई करण्यात येईल, असा इशाराही देण्यात आला आहे.

🛕 भाविकांची सुरक्षितता सर्वात महत्त्वाची

प्रशासनाकडून स्पष्ट करण्यात आले आहे की, हा निर्णय भाविकांच्या सुरक्षित दर्शनासाठी, सुरळीत वाहतूक आणि आपत्कालीन सेवांना अडथळा येऊ नये यासाठी घेण्यात आला आहे.

📌 नागरिकांना सूचना
राजूर गणपती दर्शनासाठी येणाऱ्या भाविकांनी प्रवासाचे योग्य नियोजन करावे व प्रशासनाच्या सूचनांचे पालन करून सहकार्य करावे.